ຂ່າວທົ່ວໄປ

ສຶກສາ​ອົບຮົມ​ ແກ້ງລະເມິດ ຕັ້ງ​ວົງ​ຊຸມແຊວ​

” ຊຸມແຊວຈົນຊອດແຈ້ງ ຖືກເຈົ້າໜ້າທີ່ 1191 ສະພັງເມິກ ນຳຕົວໄປສຶກສາອົບຮົມ ແລະ ນຳໃຊ້ມາດຕະການ ”

ເວລາ 17:00 ໂມງ ຂອງວັນທີ 14 ພະຈິກ 2021 ໄດ້ມີກຸ່ມໄວລຸ້ນ ຕັ້ງວົງຊຸມແຊວດື່ມເຫຼົ້າ, ເບຍ ຢູ່ຮ່ອມ 5 ໜ່ວຍ 28 ຢູ່ເຮືອນຂອງ ນາງ ຈັນສະໝອນ ອາຍຸ 42 ປີ ບ້ານຊ້າງຄູ້ ເມືອງໄຊທານີ ນະຄອນຫຼວງວຽງຈັນ,

ເຊິ່ງລູກຊາຍຜູ້ກ່ຽວຊື່ ທ້າວ ສັນທະນູສອນ ອາຍຸ 18 ປີ ພາໝູ່ມາຕັ້ງວົງດື່ມສິ່ງມຶນເມົາ ຈົນຮອດ 03:00 ໂມງ ຂອງວັນທີ 15 ພະຈິກ 2021 ອໍານາດການປົກຄອງບ້ານ ໄດ້ເຂົ້າໄປກ່າວເຕືອນພວກກ່ຽວກໍ່ບໍ່ຢຸດເຊົາ ມາຮອດເວລາ 06:00 ໂມງ ເຈົ້າໜ້າທີ່ ສນ 1191 ສະພັງເມິກ ໄດ້ເຂົ້າກວດກາ ແລະ ແກ້ໄຂ ເຊີນພວກກ່ຽວ 11 ຄົນ ຍິງ 4 ຄົນ ໄປຫ້ອງການບ້ານ ເພື່ອທໍາການສຶກສາອົບຮົມ ແລະ ນຳໃຊ້ມາດຕະການ.

ກອງບັນຊາການ ປກສ ນວ ຮຽກຮ້ອງມາຍັງພໍ່ແມ່, ປະຊາຊົນລາວບັນດາເຜົ່າ ເວົ້າສະເພາະ ຊາວນະຄອນຫຼວງວຽງຈັນ ຈົ່ງພ້ອມກັນເປັນເຈົ້າການຈັດຕັ້ງປະຕິບັດແຈ້ງການເລກທີ 1494/ຫສນຍ ວ່າດ້ວຍການສືບຕໍ່ປະຕິບັດ​ຕະການປ້ອງກັນ, ຄວບຄຸມການແຜ່ລະບາດຂອງພະຍາດ ໂຄວິດ-19 ຢູ່ ນວ ໃຫ້ຫຼຸດໜ້ອຍຖອຍລົງ,

ຖ້າພົບເຫັນບັນຫາປະກົດການຫຍໍ້ທໍ້ ຂໍໃຫ້ແຈ້ງ ວອດແອັບ ປກສ ນວ ເບີ 020 28899774.

Related Articles

Leave a Reply

Your email address will not be published.

Back to top button