ຂ່າວທົ່ວໄປ

ປະເທດ​ສິງກະໂປ​ ອະນຸຍາດໃຫ້ຜູ້ໂດຍສານປະເທດອາຊີໃຕ້ຫຼາຍປະເທດເຂົ້າເມືອງ

ສິງກະໂປ​ ຜ່ອນຜັນຂໍ້ຈຳກັດຢູ່ຊາຍແດນຕື່ມອີກ​ ໂດຍອະນຸຍາດໃຫ້ຜູ້ໂດຍສານປະເທດອາຊີໃຕ້ຫຼາຍປະເທດເຂົ້າເມືອງ

ຕາມ​ຂ່າວ​ CRI ລາຍງານວ່າ: ວັນທີ 23 ຕຸລານີ້, ໜ່ວຍງານຂ້າມພາກສ່ວນເພື່ອຕ້ານໂຄວິດ-19 ຂອງສິງກະໂປປະກາດໃນກອງປະຊຸມຂ່າວວ່າ,

ເນື່ອງຈາກສະພາບການແຜ່ລະບາດພະຍາດໂຄວິດ-19 ຢູ່ອິນເດຍ, ບັງກະລາເດັດ, ມຽນມາ, ເນປານ, ປາກີສະຖານ ແລະ ສິງລັງກາ​ ໄດ້ຜ່ອນຄາຍລົງ,

ນັບແຕ່ 11 ໂມງ 59 ນາທີຂອງວັນທີ 26 ຕຸລານີ້ເປັນຕົ້ນໄປ, ຈະອະນຸຍາດຜູ້ໂດຍສານຈາກປະເທດເຫຼົ່ານີ້ ຫຼື ຜູ້ໂດຍສານທີ່ເຄີຍໄປປະເທດເຫຼົ່ານີ້ໃນ 14 ມື້ຜ່ານມາເຂົ້າເມືອງສິງກະໂປ ຫຼື ຕໍ່ຍົນຢູ່ສິງກະໂປ.

ຫຼັງຈາກຜູ້ໂດຍສານເຫຼົ່ານີ້ເຂົ້າເມືອງແລ້ວ ຕ້ອງກັກບໍລິເວນເປັນເວລາ 10 ມື້ຢູ່ບ່ອນກຳນົດ.ນອກນີ້, ໜ່ວຍງານດັ່ງກ່າວຍັງໄດ້ປັບຄວາມສ່ຽງໃນການແຜ່ລະບາດໂຄວິດ-19 ຂອງມາເລເຊຍ, ອິນໂດເນເຊຍ, ກຳປູເຈຍ, ຫວຽດນາມ, ມົງໂກຣີ, ເອຢິບ ແລະ ອາຟຣິກາໃຕ້ເປັນຂັ້ນ 3

ໂດຍອະນຸຍາດໃຫ້ຜູ້ໂດຍສານທີ່ມາຈາກປະເທດເຫຼົ່ານີ້ກັກບໍລິເວນໃນເຮືອນຂອງຕົນ.

Related Articles

Leave a Reply

Your email address will not be published. Required fields are marked *

Back to top button