ຂ່າວທົ່ວໄປ

6 ເດືອນຕົ້ນປີ 2021 ນະຄອນຫຼວງວຽງຈັນ​ ຂາດດຸນການຄ້າຫຼາຍກວ່າ 16 ລ້ານໂດລາ

ອີງຕາມຂ່າງໜັງສືພິມວຽງຈັນທາຍ ລາຍງານ​ວ່າ: ພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ ໄດ້ແຈ້ງໃຫ້ຮູ້ວ່າ:

6 ເດືອນຕົ້ນປີ 2021 ນີ້​ນະຄອນຫຼວງວຽງຈັນ​ ຂາດດຸນການຄ້າຫຼາຍກວ່າ 16 ລ້ານໂດລາ ໝາຍຄວາມວ່ານະຄອນຫຼວງວຽງຈັນ ມີມູນຄ່າການສົ່ງອອກໜ້ອຍ ກວ່າມູນຄ່າສິນຄ້ານຳເຂົ້າ, ສິນຄ້ານໍາເຂົ້າມີມູນຄ່າທັງໝົດ 973,83 ລ້ານໂດລາສະຫະລັດ,

ສ່ວນໃຫຍ່ແມ່ນສິນຄ້າປະເພດຮັບໃຊ້ວຽກງານອຸດສາຫະກຳ, ພາຫະນະ, ຊິ້ນສ່ວນ ແລະ ອາໄຫຼ່ພາຫະນະ, ນ້ຳມັນເຊື້ອໄຟ, ອຸປະກອນກໍ່ສ້າງ, ເຄື່ອງນຸ່ງຫົ່ມ ແລະ​ ເຄື່ອງໃຊ້ສອຍປະຈໍາວັນ, ເຄື່ອງບໍລິໂພກ ແລະ ອື່ນໆມາຈາກ ໄທ,​ ສປ ຈີນ ແລະ ສສ ຫວຽດນາມ.

ສະເພາະການການສົ່ງອອກ 6 ເດືອນຕົ້ນປີ ມີມູນຄ່າທັງໝົດ​ 806,67 ລ້ານໂດລາ ໂດຍສົ່ງອອກສິນຄ້າປະເພດແຮ່ທາດ,​ ອຸດສາຫະກຳ, ໄມ້ ແລະ ຜະລິດຕະພັນໄມ້ສຳເລັດຮູບ ແລະ ອື່ນໆສ່ວນຫຼາຍແມ່ນສົ່ງໄປ ສປ ຈີນ, ຮອງລົງມາແມ່ນ ສສ​ ຫວຽດນາມ ແລະ ໄທຕາມລໍາດັບ.

ພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນຍັງ​ ໄດ້ລາຍງານໃຫ້ຮູ້ຕື່ມອີກວ່າ: ປັດຈຸບັນນະຄອນຫຼວງວຽງຈັນມີ​ ໂຮງງານທັງໝົດ 3.330 ແຫ່ງ, ໃນນີ້ໂຮງງານຂະໜາດໃຫຍ່ມີ​ 180 ແຫ່ງ, ຂະໜາດກາງ 227 ແຫ່ງ, ແບບຄອບຄົວ 2.492 ແຫ່ງ ແລະ ກຳມະກອນຫຼາຍກວ່າ 54.000 ຄົນ ຊຶ່ງຫຼາຍກວ່າ50% ແມ່ນເປັນ ເພດຍິງ.

Related Articles

Leave a Reply

Your email address will not be published. Required fields are marked *

Back to top button